३८ आणि ४२ वर्षांची दोन लहान मुलं

३८ आणि ४२ वर्षांची दोन लहान मुलं :

आपण बऱ्याच वेळा मिमवर दोन कृष्णवर्णीय (dark colored) लहान मुलांना पाहतो. जर मी आता तुम्हाला सांगितलं की हे दोघे लहान मुलं नसून मोठी माणसं आहेत तर? नक्कीच तुम्हाला हसू आवरणार नाही ना? पण हे दोघे खरंच लहान मुलं नसून ३८ आणि ४२ वर्षांची मोठी माणसं आहेत. तर बघून घेऊ नक्की मीममध्ये दिसणारी ही दोन पात्र नक्की आहेत कोण.

ही दोन्ही पात्र नायजेरियन फिल्म स्टार असून नायजेरियाच्या ''aki na ukwa" नावाच्या सुप्रसिद्ध विनोदी चित्रपटातील आहेत. यामधील एकाचं नाव osita Iheme असून त्याने ह्या चित्रपटात "PawPaw" नावाची भूमिका साकारली आहे आणि दुसऱ्या कलाकाराचं नाव Chinedu Ikedieze असून त्याने ह्या चित्रपटात "aki" नावाच्या पात्राची भूमिका साकारली आहे. हा चित्रपट २००३ मध्ये नायजेरियामध्ये प्रदर्शित झाला. Osita Iheme यांचे सध्याचे वय ३८ वर्ष असून Chinedu Ikedieze यांचे सध्याचे वय हे ४२ वर्ष इतके आहे. 

Osita Iheme यांनी यांच्या करिअर मध्ये आतापर्यंत ५० चित्रपटांमध्ये काम केलं असून Chinedu Ikedieze ह्यांनी ह्यांच्या २० वर्षांच्या कार्यकिर्दीत आतापर्यंत एकूण १५० चित्रपटांमध्ये काम केले आहे. तसेच "aki na ukwa" व्यतिरिक्त "2 rats", "Boys from Holland", "Tom and Jerry", "Stubborn Files", ह्यांसारख्या अनेक चित्रपटात ह्या दोघांनी एकत्रित काम केले आहे. 

कुठल्याही प्रसंगाचे उपहासात्मक वर्णन जर करायचे झाले तर मिमर्ससाठी ही दोन पात्रे फार फायदेशीर ठरतात. तर एक झलक टाकूयात ह्यांच्यावरील मिम्स वर.

तर हा होता आजचा विषय '३८ आणि ४२ वर्षांची दोन लहान मुलं'.

पुन्हा भेटूयात नवीन विषय घेऊन. ब्लॉग कसा वाटला ह्याबद्दल आपल्या प्रतिक्रिया द्या. तसेच ब्लॉग ला follow करा जेणे करून प्रत्येक नवीन ब्लॉग आल्यावर सर्वप्रथम तुम्हाला notification  येईल. आणि हो ब्लॉग आवडल्यास शेअर करण्यास विसरू नका.

पडद्यावरचा विलीयन लॉकडाऊन मध्ये हिरोच्या रुपात

पडद्यावरचा विलीयन लॉकडाऊन मध्ये हिरोच्या रुपात : 

 लॉकडाऊनच्या चौथ्या पर्वात सध्या एकच नाव सोशल मीडियावर गाजतंय आणि ते म्हणजे सोनू सूद. चित्रपट हिंदी असो, तमिळ असो किंवा तेलगू, खलनायकाच्या भूमिकेत नेहमीच उठून दिसणारं नाव म्हणजे सोनू सूद. पण पडद्यावरचा हा विलीयन आज "घर भेजो" मोहिमे मार्फत रोज हजारो मजुरांना आपल्या घरी पोहोचवण्यास मदत करतोय. चला तर मग बघुयात नक्की कसा सुरू झाला हा प्रवास.
 आउटलुक वृत्त्वहीनेने घेतलेल्या एका मुलाखतीनुसार सोनू सूद हे एकदा रस्त्यावरून चालले असताना त्यांनी काही मजूरांना चालत आपल्या गावी जाताना पाहिले आणि आपण ह्यांच्यासाठी काहीतरी करावं असा विचार त्यांच्या मनात आला आणि त्यांनी त्या लोकांना तुमच्या घरी तुम्हाला सुखरूपपणे पोहोचवण्यात येईल असे आश्वासन दिले. त्यानंतर सोनू सूद ह्यांनी त्यांच्या संबंधितांच्या मदतीने सरकारी कर्मचार्यांशी संपर्क साधून पुढील दोन दिवसात त्यांना पोहोचवण्याची सर्व व्यवस्था केली आणि ३५० स्थलांतरित मजुरांना परत कर्नाटकात आपल्या घरी पाठवले. पण त्यांना घरी पाठवत असताना सोनू सूद ह्यांना त्या मजुरांच्या चेहऱ्यावर स्मितहास्य आणि डोळ्यांत अश्रू आलेले दिसले आणि ते पाहून हे फक्त ३५०च आहेत आणि आपण नक्कीच अश्या शक्य तितक्या जणांना परत घरी पाठवलं पाहिजे असा विचार त्यांच्या मनात आला. आणि इथूनच "घर भेजो" मोहिमेचा प्रारंभ झाला.
ह्यानंतर सोनू सूद ह्यांनी आपली स्वतःची एक टीम बनवून "घर भेजो" ही मोहीम सुरू केली आणि त्यांनी 18001213711 हा एक टोल फ्री नंबर जाहीर केला. जेणे करून कोणी मजूर आपल्या गावी परत जाण्यास इच्छुक असेल तर ते ह्या टोल फ्री लाईनवर संपर्क करू शकतात आणि ह्यामुळे ''घर भेजो" ची टीम सुखरूपपणे त्या मजुरांना घरी पोहोचवण्याची व्यवस्था करून देते.
२५ मे ला आऊटलुकने घेतलेल्या मुलाखतीनुसार सोनू सूद आणि त्यांच्या टीमने "घर भेजो" ह्या मोहिमेमार्फत आत्तापर्यंत १२,००० स्थलांतरित मजुरांना आपापल्या घरी पोहोचवले आहे आणि आधीच त्यांनी आणखी ४५,००० मजुरांची सुद्धा व्यवस्था करून ठेवलेली आहे. अजून यापूढे सुद्धा शक्य तितक्या जास्त मजुरांना आम्ही त्यांच्या घरी सुखरूप पोहोचवण्याचा प्रयत्न करू असे सोनू सूद ह्यांनी सांगितले आहे.
 हे झालं लॉकडाऊन मधील कार्य. पण सोनू सूद हे खूप वर्षांपासून आपल्या वडिलांच्या नावाने ''शक्ती अन्नदानम्" म्हणून एक अन्नछत्र चालवत आहेत. सोनू सूद च्या चालू असलेल्या कार्यास मिमर्सनी सुद्धा आपल्या स्टाईलने सलामी दिली आहे. तर पाहुयात काय काय मिम्स बनले आहेत सोनू सूद आणि "घर भेजो"च्या टीमवर.

एका आठवड्यात भारतीयांनी ४.५ वरून १.३ वर आणलेलं अँप

एका आठवड्यात भारतीयांनी ४.५ वरून १.३ वर आणलेलं अँप :

आज सर्वत्र प्रामुख्याने एकच फोटो दिसून येतोय. तो म्हणजे १.३ गूगल प्ले रेटिंग असलेला टिकटॉक अँप. ह्या अँप ची रेटिंग आठवड्यापूर्वी ४.५ होती. पण गेल्या आठवड्याभरात असं नेमकं काय घडलं जे ह्याची रेटिंग भारतीयांनी ४.५ वरून डायरेक्ट १.३ वर आणली. चला तर मग बघूया ह्या क्रांतीचा इतिहास.

 युट्युब असो किंवा फेसबुक किंवा इन्स्टाग्राम, ट्विटर आता सगळीकडे मिमर्सनी आपलं साम्राज्य प्रस्थापित केलेलं आहे. आणि गेल्या एक दीड वर्षात ह्या सर्वच माध्यमातून टिकटॉक च्या हास्यास्पद कन्टेन्टवर वारंवार मिमर्सची फौज जोरदार हल्ले करत आहे. अश्याच वारंवार होणाऱ्या ह्या हल्ल्यांवर प्रतिहल्ला म्हणून आणि आपलं टिकटॉकर्सचं साम्राज्य टिकवून ठेवण्यासाठी टिकटॉक साम्राज्याचे सेनापती 'दि टिकटॉक स्टार अँड सोशल इन्फ्लुअन्सर' आमिर सिद्दीकी ह्यांनी शत्रूंवर टीका करणारा एक व्हिडीओ बनवला. ह्या व्हिडीओ मध्ये त्यांनी हे युट्युबर्स आपलाच कन्टेन्ट वापरून आपल्याला रोस्ट करतात असे म्हटले. शिवाय हे युट्युबर्स सहानुभूती गोळा करण्यासाठी व्हिडीओ बनवतात असाही आरोप आमिर सिद्दीकी यांनी त्यांच्या व्हिडिओ मार्फत केला. अखेरीस जिथे युट्युबर्स महिन्यातून एखाद - दोन कन्टेन्ट बनवतात तिथे टिकटॉकर्स दिवसाचे १० कन्टेन्ट बनवतात असा टोला त्यांनी युट्युबर्सवर मारून त्यांच्यावर कठोर टीका केली. आमिर सिद्दीकी ह्यांच्या ह्या प्रखर अश्या प्रतिहल्ल्यामुळे फार खळबळजनक वातावरण तयार झाले होते. आता ह्या हल्ल्याचा सूड कोण घेणार ही एकच चर्चा सर्वत्र चालू होती. अश्या वेळी युट्युब राजवटीचे सुभेदार अजय नागर उर्फ कॅरी मिनाती हे पुढे सरसावले आणि युट्युबर्सवर झालेल्या ह्या हल्ल्याचा सूड घेण्यासाठी त्यांनी विडा उचलला. आणि इथूनच युट्युब विरुद्ध टिकटॉक महायुद्ध सुरू झाले. 

 कॅरी मिनाती ह्यांनी आमिर सिद्दीकीने बनवलेल्या व्हिडीओचा बारकाईने अभ्यास केला. आणि त्यानंतर त्यांनी त्यांच्या व्हिडिओ मध्ये वापरलेल्या एक एक शब्दांवर प्रत्युत्तर देत शाब्दिक बाणांचा वर्षाव सुरू केला.

 कॅरी मिनाती ह्यांनी आमिर सिद्दीकी यांच्या वक्तव्यावर केलेल्या काही टीका : 

१. आमिर सिद्दीकी यांचे वक्तव्य : युट्युबर्स सहानुभूती गोळा करण्यासाठी व्हिडीओ बनवतात.

ह्यावर प्रत्युत्तर म्हणून कॅरी मिनाती ह्यांनी आमिरच्याच वॉलवरील त्याचा एक गरिबांना अन्न वाटप करत असताना एक व्हिडीओ दाखवून नक्की कोण सहनुभूती गोळा करत आहे असे दाखवून दिले.

२. आमिर सिद्दीकी यांचे वक्तव्य : जिथे युट्युबर्स महिन्यातून एखाद - दोन कन्टेन्ट बनवतात तिथे टिकटॉकर्स दिवसाचे १० कन्टेन्ट बनवतात.

ह्यावर प्रत्युत्तर म्हणून कॅरी मिनाती ह्यांनी '' जेवढ्या मिनिटांचे तुमचे व्हिडिओ असतात तेवढ्या मिनिटांची तर आमची एक युट्युबवरची ऍड असते" असा टोमणा मारला. यापुढे टिकटॉक वर व्हिडिओ बनवण्यासाठी १ मिनिटांची मर्यादा असूनही बरेचसे टिकटॉकर्स फक्त ३० सेकंदांचाच व्हिडिओ का बनवतात? असा सवाल त्यांनी टिकटॉकर्सना केला.

कॅरी मिनातीच्या ह्या हल्ल्यावर सर्व मिमर्सनी भरभरून प्रतिसाद दिला आणि कॅरी मिनातीचं कौतुक देखील केलं. मात्र काही कारणास्तव कॅरी मिनाती ह्यांचा हा ७० मिलियन व्ह्यूज असलेला टिकटॉकवर टीका करणारा व्हिडिओ युट्युब वरून काढून टाकण्यात आला. आणि त्यामुळे आधीच टिकटॉकचा तिरस्कार करणाऱ्या मिमर्सचा तसेच कॅरी मिनाती समर्थकांचा संताप आणखीच अनावर झाला आणि त्यांनी शेवटचा उपाय म्हणून सरळ टिकटॉक अँपलाच रिपोर्ट करून त्याची रेटिंग कमी करायला सुरुवात केली. आणि ह्यामुळेच ४.५ गूगल प्ले रेटिंगवर असणारं टिकटॉक अँप हे आठवड्याभरातच डायरेक्ट १.३ रेटिंगवर येऊन पोहोचलं.

ही माहिती बऱ्यापैकी सोशल मीडिया युसर्सना माहीत आहे पण कॅरी मिनातीचा व्हिडिओ युट्यूब वरून काढून टाकण्याचं नक्की कारण काय ते पाहुयात :

कारण १ :

युट्युबने डिसेंबर २०१९ ला 'हॅरॅसमेंट पॉलिसी' अस्तित्त्वात आणली होती. ह्या पॉलिसी अंतर्गत जर कोणीही युट्युबर किंवा कोणताही व्हिडिओ हा एखाद्या विशिष्ट गोष्टीला अथवा व्यक्तीला लक्ष्यवेधीत करत असेल तर युट्युब युजर त्या व्हिडिओला हॅरॅसमेंट पॉलिसी अंतर्गत रिपोर्ट करू शकतो. कॅरी मिनातीचा व्हिडिओ हा पूर्णतः आमिर सिद्दीकीला आणि टिकटॉकवर टीका करणारा होता त्यामुळे आपसूकच सर्व टिकटॉक समर्थकांनी त्या व्हिडिओला हॅरॅसमेंट पॉलिसी अंतर्गत रिपोर्ट केले आणि त्यामुळे हा व्हिडिओ युट्युबवरून गूगल व्हिडिओ स्ट्रीमिंग सर्विस मार्फत काढून टाकण्यात आला. 

कारण २ :

तसेच जर कोणाच्या लैंगिक आवडीनिवडीबद्दल कोणी आपल्या युट्युब व्हिडिओ मार्फत द्वेषयुक्त अपमान करत असेल तर युजर त्या व्हिडिओला त्वरित रिपोर्ट करू शकतो. कॅरी मिनातीच्या व्हिडिओमध्ये ही गोष्ट स्पष्ट दिसून येत होती त्यामुळे टिकटॉक समर्थकांनी ह्या पॉलिसी अंतर्गत त्या व्हिडिओला रिपोर्ट केलं आणि तो व्हिडिओ युट्युब वरून काढून टाकण्यात आला.

वर नमूद केलेल्या दोन्ही पॉलिसीजचा फायदा घेत टिकटॉक समर्थकांनी कॅरी मिनातीच्या व्हिडिओला रिपोर्ट केले आणि ह्याच कारणांमुळे कॅरी मिनातीचा व्हिडिओ गूगल व्हिडिओ स्ट्रीमिंग सर्विस मार्फत युट्युबवरून काढून टाकण्यात आला. 

कॅरी मिनातीच्या व्हिडिओ काढून टाकल्यामुळे संतप्त झालेल्या टिकटॉक विरोधकांनी सरळ टिकटॉक अँपलाच रिपोर्ट करायला सुरुवात केली.

 ह्या व्यतिरिक्त  टिकटॉकला रिपोर्ट करण्याची आणखी दोन कारणं आहेत. ती कोणती ते पाहुयात :

कारण १ :

टिकटॉक स्टार अमिद फैजल सिद्दीकी याने एक टिकटॉक व्हिडिओ बनवला होता ज्यामध्ये त्याने स्त्रियांवर होणाऱ्या ऍसिड हल्ल्याचे समर्थन केले होते. त्यामुळे ह्या अँप मार्फत स्त्रियांवर होणाऱ्या ऍसिड हल्ल्याचा गौरव होतो अशी टीका करत टिकटॉकला बऱ्याच जणांनी रिपोर्ट केलं.

कारण २ :

टिकटॉक हे एक चायनीज अँप असून आधीच आपण चायनामुळे इतकं काही सहन करत असताना ह्या अनावश्यक चायनीज अँपला कशाला सपोर्ट करायचं म्हणून देखील बऱ्याच जणांनी टिकटॉकला रिपोर्ट केलं आहे. 

ह्या सगळ्या महायुदधातून टिकटॉकची रेटिंग ४.५ वरून डायरेक्ट १.३ वर येऊन ठेपली आहे आणि ह्यामुळे टिकटॉकला मात्र मोठा फटका बसला आहे. परंतु मिमर्सचा आनंद मात्र गगनात मावेनासा झाला आहे आणि त्यांनी आपला आनंद आपल्या कला प्रविण्यातून दाखवला आहे. तर बघुयात मिमर्सनी हा आनंद व्यक्त करत काय काय मिम्स बनवले आहेत.

तर हा होता आजचा विषय 'एका आठवड्यात भारतीयांनी ४.५ वरून १.३ वर आणलेलं अँप'.

पुन्हा भेटूयात नवीन विषय घेऊन. ब्लॉग कसा वाटला ह्याबद्दल आपल्या प्रतिक्रिया द्या. तसेच ब्लॉग ला follow करा जेणे करून प्रत्येक नवीन ब्लॉग आल्यावर सर्वप्रथम तुम्हाला notification  येईल. आणि हो ब्लॉग आवडल्यास शेअर करण्यास विसरू नका.

फोन वर बोलणारा ख्रिस हेमस्वर्थ उर्फ थॉर

फोन वर बोलणारा ख्रिस हेमस्वर्थ उर्फ थॉर  :

 सध्या एक्सट्रेकशन (EXTRACTION) चित्रपटातील ख्रिस हेमस्वर्थ म्हणजेच आपल्या सर्वांचा लाडका विजेचा देव थॉर याचा फोनवर काहीतरी संवाद चालू असल्याचा एक मीम सध्या सोशल मीडियावर व्हायरल झाला आहे. तर जाणून घेऊया नेमका काय आहे ह्या मीम ची स्टोरी.

 मी ह्या मिमची नक्की काय स्टोरी आहे ते सांगणार नाही कारण कदाचित ते ऐकून चित्रपटातील एका सीन चा स्पोईलर दिल्याचा माझ्यावर आळ येऊ शकतो. पण मी ह्या चित्रपटाबद्दल काही गमतीदार माहिती तर नक्कीच देऊ शकतो.

 आपल्यापैकी बऱ्याच जणांना प्रामुख्याने तरुणांना ही मीम मधली व्यक्ती कोण आहे आणि हा मीम नक्की कशावर आधारित आहे हे माहीत आहे. आपण सर्वजण ह्या व्यक्तीला थॉर ह्या सुप्रसिद्ध नावाने ओळखतो. याचे मुख्य कारण म्हणजे मर्व्हल सिरीजच्या अवेन्जर्स मध्ये थॉर नावाच्या एका सुपरहिरोची भूमिका ह्याने अतिशय उत्तम प्रकारे साकारली आहे. आणि हा मीम ज्या चित्रपटावर आधारित आहे त्या चित्रपटाचं नाव आहे एक्सट्रेकशन (EXTRACTION). 

तर जाणून घेऊया एक्सट्रेकशन (EXTRACTION) चे काही इंटरेस्टिंग फॅक्टस् :

#फॅक्ट १ : 

ह्या चित्रपटाचे निर्माते (producer) स्वतः ख्रिस हेमस्वर्थ हे असून यांनी ह्या चित्रपटात प्रमुख अभिनेता (lead actor) ची भूमिका साकारली आहे. चित्रपटात एका मोठ्या गँगस्टरच्या अपहरण (kidnap) झालेल्या मुलाला वाचवण्यासाठी ख्रिस हेमस्वर्थ ह्यांची निवड करण्यात आलेली असते. 

#फॅक्ट २ :

ह्या चित्रपटाचे नाव तीन वेळा बदलण्यात आले. पहिल्यांदा जो रुस ह्यांनी जेव्हा ह्या चित्रपटाचा स्क्रीनप्ले लिहला तेव्हा ह्या चित्रपटाचे दिग्दर्शक (Director) सॅम हॅरग्रेव्ह ह्यांनी ह्या चित्रपटाचं नाव ढाका असं घोषित केलं. त्यानंतर ह्या चित्रपटाचे नाव 'आऊट ऑन फायर' म्हणून बदलण्यात आले. अखेरीस १९ फेब्रुवारी २०२० मध्ये ह्या चित्रपटाचे नाव एक्सट्रेकशन (EXTRACTION) म्हणून निश्चित केले.

#फॅक्ट ३ :

ह्या चित्रपटाचं शूटिंग हे सुरवातीला अहमदाबाद आणि मुंबई येथे करण्यात आलं. आणि त्यानंतर काही प्रमाणात थायलंड आणि बांग्लादेश येथे काही प्लेटशॉट्स घेण्यात आले.

#फॅक्ट ४ :

बॉलिवूड चित्रपट सृष्टीतील प्रसिद्ध अभिनेते रणदीप हुडा आणि पंकज त्रिपाठी हे दोघेही ह्या चित्रपटात दिसून येत आहेत आणि ह्या दोन्ही कलाकारांचं हॉलिवूड चित्रपट सृष्टीतील हे प्रथम पदार्पण आहे.

#फॅक्ट ५ :

हा चित्रपट नेटफलिक्स द्वारे रिलीज झाला असून मे २०२० मध्ये जो रुस ह्यांना ह्या चित्रपटाची उत्तरकथा (sequel) लिहिण्यासाठी नियुक्त करण्यात आले असल्याचे वृत्त आलेले आहे. आणि तो देखील नेटफलिक्सवरच रिलीज होईल. त्यामुळे लवकरच आपल्याला ह्या चित्रपटाची उत्तरकथा (sequel) नेटफलिक्सवर पाहायला मिळेल.

तर हा होती फोनवर बोलणाऱ्या ख्रिस हेमस्वर्थ उर्फ थॉर च्या मीम ची स्टोरी आणि एक्सट्रेकशन (EXTRACTION) चित्रपटातील काही गमतीदार फॅक्टस्. 

आता नजर टाकूया ह्याच्यावरील मिम्स वर :

तर हा होता आजचा विषय 'फोन वर बोलणारा ख्रिस हेमस्वर्थ उर्फ थॉर'.
पुन्हा भेटूयात नवीन विषय घेऊन. ब्लॉग कसा वाटला ह्याबद्दल आपल्या प्रतिक्रिया द्या. तसेच ब्लॉग ला follow करा जेणे करून प्रत्येक नवीन ब्लॉग आल्यावर सर्वप्रथम तुम्हाला notification  येईल. आणि हो ब्लॉग आवडल्यास शेअर करण्यास विसरू नका.

आत्मनिर्भर

आत्मनिर्भर 

 १२ मे २०२० रोजी मंगळवारी नेहमीसारखं आपले मा. पंतप्रधान नरेंद्र मोदीजी यांनी आपले काही जड शब्द वापरून भाषण दिलं. त्यात त्यांनी आत्मनिर्भर ह्या शब्दाचा प्रामुख्याने वापर केला. आणि मग काय. आपली मिमर्सची फौज झाली सुरु. तर जाणून घेऊया नक्की भानगड काय आहे.

 १२ मे ला मोदींनी जे भाषण केलं त्यात २१व्या शतकात जर आपल्या देशाची प्रगती व्हावी तर देश आत्मनिर्भर बनायला हवा असे सांगितले. आत्मनिर्भर बनणे म्हणजे नक्की काय तर स्वावलंबी बनणे. जर आपल्या देश सर्व क्षेत्रांमध्ये स्वावलंबी झाला तर नक्कीच आपल्याला कोणावर अवलंबून राहण्याची गरज भासणार नाही आणि भारत २१व्या शतकात नक्कीच प्रगती करू शकतो. आणि ह्याचसाठी मा. पंतप्रधानांनी "आत्मनिर्भर भारत अभियान" ह्याची अंमलबजावणी केली.

नक्की काय आहे "आत्मनिर्भर भारत अभियान"?

मा. पंतप्रधानांनी १२ मे ला २० लाख कोटी रुपयांच्या आत्मनिर्भर भारत अभियानाची घोषणा केली आणि त्यानुसार १३ मे ते १७ मे ह्या दरम्यान ५ पत्रकार परिषद घेऊन ह्या २० लाख कोटींचा हिशोब मांडला.

२० लाख कोटी रुपयांतील विविध क्षेत्रांमध्ये झालेली विभागणी खालीलप्रमाणे :

१. ५.९४ लाख कोटी रुपये : लघु उद्योगांना कर्ज देण्यासाठी आणि बिगर बँकिंग वित्तीय संस्था (non banking 

 financial institution) आणि वीज वितरक कंपन्यांना (power supply companies) मदत.

२. ३.१० लाख कोटी रुपये : लॉकडाऊन मध्ये अडकलेल्या स्थलांतरित मजुरांना २ महिन्यांपर्यंतच मोफत अन्नपुरवठा आणि शेतकऱ्यांना कर्ज.

३. १.५ लाख कोटी रुपये : कृषी आणि कृषिक्षेत्रासंबंधित उद्योगांना (agriculture and agricultiural business) मदत.

४. ४८ हजार १०० कोटी रुपये : कोळसा, विमान, अंतराळ विज्ञान (space science), शिक्षण, रोजगार, उद्योगधंदे आणि सरकारी क्षेत्रात मदत.

५. १ लाख ८२ हजार कोटी रुपये : पंतप्रधान गरीब कल्याण पॅकेज.

६. ८ लाख १ हजार ६०३ कोटी रुपये : रिझर्व्ह बँक ऑफ इंडिया (RBI)

तर हे आहे २० लाख कोटी रुपयांचं "आत्मनिर्भर भारत अभियान". आई गं...किती तो जड शब्द. पण एक भारतीय म्हणून आपल्याला हा शब्द उच्चरता येत नाही हि लाजिरवाणी गोष्टच नाही का?

आता एक छोटीशी झलक टाकुयात ह्यावरील मिम्स वर :

तर हा होता आजचा विषय 'आत्मनिर्भर'.
पुन्हा भेटूयात नवीन विषय घेऊन. ब्लॉग कसा वाटला ह्याबद्दल आपल्या प्रतिक्रिया द्या. तसेच ब्लॉग ला follow करा जेणे करून प्रत्येक नवीन ब्लॉग आल्यावर सर्वप्रथम तुम्हाला notification  येईल. आणि हो ब्लॉग आवडल्यास शेअर करण्यास विसरू नका.